Updated: 12/02/2013

 Main Home

News

Forum

Laos

Europe

USA

Australia

Canada

FAQs


ບົດສເນີ/ບົດສະເໜີ     Cannot read and need Lao Font... click here

ສະບາຍດີ ທຸກໆທ່ານ ທີ່ກຳລັງຢ້ຽມຊົມ ໜ້າເວັບຊາຍ ລີເຊສະຫວັນ ຢູ່ໃນ ຂະນະນີ້. ວັດຖຸປະສົງຫຼັກ ຂອງ ເວັບຊາຍ ນີ້ ຄືສ້າງໃຫ້ໜ້າເວັບນີ້ ເປັນບ່ອນນັດພົບ ລະຫວ່າງ ບັນດາໝູ່ເພື່ອນ, ມິດສະຫາຍທັງ ຍິງແລະຊາຍ ທີ່ເຄີຍໄດ້ຜ່ານການຮໍ່າຮຽນແລະສຶກສາ ຢູ່ທີ່ ວິທະຍາລັຍແຫ່ງນີ້ໃນຄັ້ງອະດີດ. ກາລເວລາ ຜ່ານປຽບດັ່ງກະແສທາຣາ ລ່ອງເລີຍໄປໂດຍບໍ່ຫວນກັບ, ແຕ່ຄວາມຊົງຈຳອັນງົດງາມ ທີ່ປ່ຽມ ໄປດ້ວຍຄວາມຮັກແພງ ຄຶດຮອດຄຶດເຖິງ ທີ່ມີຢ່າງມາກມາຍກ່າຍກອງ ມັນຍັງກ້ອງ ແລະກະຕຸ້ນ ຄວາມຄິດ ແລະ ຈິດໃຈຂອງພວກເຮົາຢູ່. ພວກເຮົາໄດ້ດຳເນີນຊີວິດໃນດິນແດນທີ່ຫ່າງໄກກັນ ທມີ ວັທນະທັມແຕກຕ່າງກັນ, ທ່ມີຄວາມຈະເຣີນທາງວັດຖຸແຕກຕ່າງກັນ, ນັ້ນ! ມັນບໍ່ໄດ້ເປັນ ອຸປສັກກີດກັ້ນຄວາມຮັກແພງ ແລະ ຄຶດຮອດຄຶດເຖິງກັນເລີຍ. ກົງກັນຂ້າມ ມັນຊ້ຳເປັນແມ່ແຮງ ດຶງດູດໃຫ້ພວກເຮົາໄດ້ເຂົ້າມາໃກ້ຊິດກັນ, ສາມາດສື່ສານການກັນໄດ້ຢ່າງທັນທ່ວງທີ. ຂໍຂອບໃຈ ນຳເຕັກໂນໂລຊີ ອັນແສນທັນສະໄໝ ທີ່ໄດ້ໃຫ້ ພວກເຮົາ ໄດ້ມາພໍ້ກັນໃນໃຈກາງຂອງ www.lyceesavanh.net ແຫ່ງນີ້.

ອະດີດນັກຮຽນລີເຊສະຫວັນຢູ່ລາວ...

    ປັບປຸງລ້າສຸດເມື່ອ 02 Decembre 201  ໄປຟັງເພງ...

ຂ່າວມໍຣະນະກັມ
ໃນນາມໜ້າເວັບລີເຊສວັນຈາກປະເທດລາວ ໃນນາມຄອບຄົວ ສີປຣະເສີດ ຂໍແຈ້ງຂ່າວ ຄວາມເສົ້າສະຫຼົດໃຈ ມາຍັ ບັນດາໝູ່ເພື່ອນມິດສະຫາຍທັງໃກ້ແລະໄກຊາບວ່າ ແມ່ຍາ ບຸນຍືນ ສີປຣະເສີດ (ແມ່ຍາ ຫີນສີລາ) ຜູ້່ເປັນ ປ້າ ຂອງ ທ່ານ ນາງ ກິ່ນສຸຄອນ ສີປຣະເສີດ, ທ່ານ ສຸຣະສິນ ສີປຣະເສີດ ອະດີີດນັກຮຽນ ລີເຊສວັນ, ໄດ້ເຖິງແກ່ກຳໄປແລ້ວໃນຕອນບ່າຍຂອງມື້ວັນທີ 30 ພະຈິກ 2013. ແມ່ຍາ ບຸນຍືນ ເກີດເມື່ອວັນທີ 13-02-1934, ມໍຣະນະກັມ ເມື່ອວັນທີ 30-11-2013 ຮວມອາຍຸໄດ້ 79 ປີ. ສົບແມ່ຍາ ບຸນຍືນ ສີປຣະເສີດ ໄດ້ບໍາເພັນກຸສົນໄວ້ທີ່ເຮືອນເພິ່ນເອງ ບ້ານໜອງບອນ ວັນຊາປະນະກິດສົບຈະໄດ້ຈັດຂຶ້ນ ທີ່ວັດທາດຝຸ່ນເທບນິມິດ ໃນເວລາ 13:00' ຂອງມື້ວັນທີ 5 ທັນວາ 2013.
ຂໍໃຫ້ດວງວິນຍານ ແມ່ຍາ ບຸນຍືນ ສີປຣະເສີດ ຈົ່ງໄປສູ່ສຸຄະຕິພິພົບພຸ້ນເຖີດ.

ປະຫວັດສາດ ແຂວງສະຫວັນນະເຂດ ກ່ອນປີ ຄ.ສ. 1900
ສະບາຍດີ ບັນດາໝູ່ເພື່ອນ ມິດສະຫາຍ ຊາຍ-ຍິງ ທັງຢູ່ໃກ້ ແລະ ໄກ ທົ່ວທັງໂລກນີ້, ມື້ນີ້ ຂ້າພະເຈົ້າຮູ້ສຶກເປັນກຽດແລະພາກພູມໃຈ ທີ່ໄດ້ມາສະເໜີ ໃຫ້ບັນດາໝູ່ຄູ່ ເພື່ອນມິດສະຫາຍ ທັງຫລາຍໄດ້ຮູວ່າ ປັດຈຸບັນນີ້ ໄດ້ມີປຶ້ມປະຫວັດສາດແຂວງສະຫວັນນະເຂດ ມາປາກົດຢູ່ຕໍ່ໜ້າ ຊຶ່ງເປັນປຶ້ມທີ່ມີຄວາມສຳຄັນ ແລະ ມີຄວາມໝາຍ ເລິກເຊິ່ງ ອັນສ່ອງແສງໃຫ້ເຫັນເຖິງກົກເຄົ້າເຫງົ້າກໍ ແລະ ທີ່ໄປທີ່ມາຂອງແຂວງສະຫວັນນະເຂດ ໂດຍສະເພາະ ບັ້ນທີ່ຖືກຍົກແລະຕັ້ງໃຫ້ເປັນ "ແຂວງສະຫວັນນະເຂດ". ເນື້ອໃນທັງໝົດໄດ້ຜ່ານການສຶກສາ ຄົ້ນຄວ້າ ຈາກທຸກໆແຫຼ່ງຂໍ້ມູນທີ່ສາມາດເຂົ້າເຖິງ ແລະ ຊອກຫາມາໄດ້ ແລະ ໄດ້ຮັບການຍອມຮັບຢ່າງເປັນທາງການ, ທັງໝົດນີ້ ຈະບໍ່ເກີດມີໄດ້ ຖ້າ ປາສະຈາກການເສັຍສະຫຼະ ເຫື່ອແຮງ ທັງກາຍ ທັງໃຈ ທັງສະຕິປັນຍາ ທັງຊັບ ທັງວັດຖຸ ທັງເວລາ ຂອງ ບັນດາທ່ານຜູ້ອາວຸໂສ ຜູ້ຊົງຄຸນວຸດທິ ຜູ້ຜ່ານປະສົບການ ທັງຫລາຍດັ່ງມີລາຍຊື່ໃນຄະນະຄົ້ນຄວ້າ-ຮຽບຮຽງນັ້ນ, ພວກເຮົາລູກຫລານຊາວສະຫວັນນະເຂດ ຂໍຈາລຶກບຸນຄຸນຂອງບັນດາທ່ານໄວ້ຊົ່ວກາລະນານ. ຂໍອວຍພອນໄຊ ແດ່ ບັນດາທ່ານ ຈົ່ງມີສຸຂະພາບແຂງແຮງ ມີອາຍຸຍືນນານ ມີພະລານາໄມສົມບູນ ສືບຕໍ່ເປັນທີ່ຮັກແລະເຄົາລົບຂອງພວກເຮົາຕະຫຼອດໄປ.
 
ທ່ານສາມາດໃຫ້ການສະໜັບສະໜູນ ແລະ ປະກອບສ່ວນໃນການເຜີຍແຜ່ປຶ້ມນີ້ໄດ້ ໃນລາຄາ 50.000 ກີບ ຕໍ່ຫົວ (ປະມານ 6,5 $ , ຫຼື ປະມານ 5,00 EURO), ໂດຍຕິດຕໍ່ໄປຍັງ ພວກເຮົາ ຕາມທີ່ຢູ່ດັ່ງນີ້:
1. ທ່ານ ສີສຸວັນ ສັງບົວບຸລົມ, ສະຖາບັນເຕັກໂນໂລຊີ ວຽງຈັນ, ຖະໜົນໄກສອນພົມວິຫານ, ບ້ານໂພນພະເນົາ ຮ່ອມ 10 ເມືອງ ໄຊເຊດຖາ ນະຄອນຫລວງວຽງຈັນ, ໂທລະສັບ: +856-20-22​220755, +856-20-55519713, E-Mail: sisouvan@gmail.com, http://www.facebook.com/sisouvan.
2. ທ່ານ ຈັນທະລາ ໄຊຍະມຸງຄຸນ, ບ້ານນາໄຊ ເມືອງສີສັດຕະນາກ ນະຄອນຫລວງວຽງຈັນ, ໂທລະສັບ: +856-20-22244345, +856-21-41685, E-Mail: crstps@laotel.com , http://www.facebook.com/chanthara.sayamoungkhoun.
3. ທ່ານ ສຸຣະສິນ ສີປະເສີດ, ບ້ານສາຍລົມ, ໂທລະສັບ: +856-20-55515255, E-Mail: spssmt@laotel.com, tpslao@hotmail.com http://www.facebook.com/sinh.sipaseuth.
4. ທ່ານ ມາດາມ ຣັສນີກອນ ອະມະຣາທິທາດາ, ບ້ານດົງໝ້ຽງ ໜ່ວຍ 1, ຄຸ້ມ 1, ເມືອງຈັນທະບູລີ ນະຄອນຫລວງວຽງຈັນ, ໂທລະສັບ: +856-20-55528248 , E-Mail: nikone29@yahoo.com , http://www.facebook.com/nikone.nanong.

ໝາຍເຫດ: ຂະໜາດປຶ້ມ: 16 ຊມ x 23 ຊມ, 116 ໜ້າລວມທັງໜ້າປົກ. ສຳລັບລາຄາທີ່ໝາຍບອກໄວ້ນັ້ນ ບໍ່ໄດ້ລວມຄ່າຈັດສົ່ງ, ຈຳນວນເງິນທັງໝົດທີ່ໄດ້ຮັບຈາກການສະໜັບສະໜູນຈາກບັນດາທ່ານຈະໄດ້ມອບໃຫ້ທາງຄະນະຄົ້ນຄວ້າເພື່ອເປັນທຶນຮອນໃນການສືບຕໍ່ຄົ້ນຄວ້າອີກຕໍ່ໄປ. ຂໍສະແດງຄວາມຂອບໃຈມາຍັງບັນດາທ່ານ ນະທີ່ນີ້ດ້ວຍ.
ຈາກ ໜ້າເວັບໄຊ ລີເຊສະຫວັນ ທີ່ປະເທດລາວ.
 
 
 
 
< HOME | NEXT >

  ພວກໝູ່ເພື່ອນຢູ່ປະເທດລາວ Our friends in Laos-N�tres ami(e)s au Laos

thaluang

Main Home    Our Mission Members    About Us    Photo Gallery       Slide Show Music Educational Links Contacts

Copyright � 2007 by Lycee de Savannakhet alumni and its group.